السلام عليكم ورحمة الله وبركاته

حبيباتي هذا أول حلى لي أشارك به بينكم وإن شاءالله يعجبكم
ولو أعجبكم أعدكم إن شاء الله بالمزيد

الاسم غرررريب صح ؟؟
الاسم ذا جبته من راسي لأن الحلى من اختراعي فسميته بكيفي والسبب إني سويته قبل أسبوع يوم كملت على زواجي أربعة شهور فسميته حلى ليلة الحب لأننا كليناه بالليل خخخخ
وأعجب أبو الشباب بقووووووة فقلت أكيد بيعجبكم واستفيدوا منه في لياليكم الحلوه مع
طبعاً هو حلى الشامواة المعروف وطريقته للي ماتعرف :

المقادير ::

{أ}
واحد ونص كاس ماء – 4ملاعق حليب بودرة – 2 باكيت كريم كراميل << وأفضل تحطين باكيت واحد
{ب}
17حبة بسكوت شاي – 1 علبة قشطة – 1 ملعقة نسكافية
( 10 مغلفات كيك يمامة وقد تزيد وقد تنقص حسب الصينية – شوكولاتة بودر مرة للتزيين )


~ قبل تسوين الحلى ابدي بالفكرة اللي هي من إختراعي
اطبعي على ورقة A4 كلمة { أحبك } بالخط اللي يعجبك أنا طبعتها بالخط الكوفي وهذي صورتها




ثم أبدي بتفريغ الكلمة بواسطة مشرط أو مقص اللي يريحك أهم شيء يكون شغلك دقيق أثناء التفريغ شوفيني وأنا أفرغها




خلاص فرغتي كلمة احبك حطيها على جنب بنحتاجها بعد شوي


الآن ابدأي بعمل الحلى
رصي كيك يمامة في صينية مستطيلة متوسطة وأفضل البايركس حتى يصير شكل الحلى حلو عند التقديم وهذي صورة الصينية بعد مارصيته << طبعا الكيك طبقتين فكيهم عن بعض وتكون الحشوة أثناء رص الكيك للأعلى




وهذي صورة كيك يمامة للي ماتعرفه




هذي صورة كوبين حلى رصيت فيهم كيك يمامة عشان يصير لكل واحد فينا كوب قدامه




على قدر على النار قومي بتحريك مقادير {أ} حتى تغلي ومهم جداً أن تغلي وهذي صورة المقادير على النار




وفي الخلاط قومي بخلط مقادير {ب} جيداً ثم أضيفي عليها مقادير {أ} بعد غليانها وهذي صورتها بالخلاط




صبي الخليط على الكيك في الصينية وهو حار قليلاً
وجيبي ألحين الورقة اللي فيها كلمة أحبك وثبتيها على الصينية من الأعلى بشريط لاصق بخيث تكون كلمة أحبك وسط الصينية << نسيت أصور عالخطوة بس الصورة الجاية توضح الفكرة
ابدأي بنثر الكاكاو البودر على كلمة أحبك بخفة والخليط من تحت دافيء حتى يمسك الكاكاو في الخليط وهذي الصورة




شيلي الورقة بعد نثر الكاكاو بخفة وخلي الصينية برا مدة 10 دقائق أو حتى يتماسك الحلى
زيني بعدها الحى على كيفك أنا نثرت شوي كاكاو على وجة الحلى كامل عشان أرقع بعض المطبات اللي صارت وأنا أسوي الحلى وأخذت كيك يمامة وقطعته بقالب الوردات وحطيتها بأطراف الصينية وأخذت قطعتين كيك ورصيتهم جنب بعض وقطعتها بقالب على شكل قلب وحطيتها فوق كلمة أحبك ..


وهذا الشكل النهائي للحلى




وقدمته مع عصير أصفهاني يحبه زوجي ,, وكانت أحلى ليلة ,, المهم انها أعجبت أبو الشباب



الله الله بالردود ,, ولا بأزعل ولا عاد أنزل لكم شيء جديد
وقولوا لي رأيكم بكل صدق وأمانة