النتائج 1 إلى 3 من 3

الموضوع: مكياج ماركة ماك كيف تعرفين انه اصلي او تقليد..تعالي اخبرك

  1. #1
    الصورة الرمزية سوسه المدسوسه
    سوسه المدسوسه غير متواجد حالياً بنت ستايل قادمة بقوة
    تاريخ التسجيل
    Nov 2012
    العمر
    26
    المشاركات
    37
    معدل تقييم المستوى
    0

    Talking مكياج ماركة ماك كيف تعرفين انه اصلي او تقليد..تعالي اخبرك

    الموضوع واضح من عنوانه

    لكن يمكن تستغربون ان ممكن يكون في مكياج ماك تقليد ..

    ايه في ماك تقليد

    الفرق بين التقليد الـ fake والاصلي واضح للي دوم تتعامل مع ماك وتركز على كل شي من الوان و علب ..

    بداية ..

    محلات ماك المعروفه والمعتمده ما منها خوف لأنها اكيد اصليه ..

    لكن ...

    انا بقول لكم

    سمعت ان في محلات في شرق اسيا ،، تنغشين فيها ،، تشوفين المحل بكبره حق ماك وشي طبيعي بتعتقدين انه اصلي و تنصدمين من الاسعار و تشترين بالهبل وبالنهايه .. يطلع fake





    كذلك في موقع Ebay الشهير ،، تلقون عروض وايد ما تتفوت وتصدم .. يعني كمية كبيره من مكياج ماك ،، لو تشترونها بسعرها الأصلي ما تقل عن 7000 ريال ..
    وتحصلونها بـ 300 دولار او اقل في الموقع وهذا شي لا يصدق .. حتى لو قلنا عندهم اسعار ماك أقل ،، لكن مب لهذي الدرجه ..

    نقطه اخيره و اعتذر عنها ،، في ركن التسوق وما اخص فقط منتدانا ،، لكن اكثر من منتدى ..
    يطرحون مكياج ماك بأسعار منافسه وبعضها بأسعار ما تتصدق ..
    وغالباً التاجره ماعندها علم او خبر ان بضاعتها تقليد .. لأن لاحظت اغلبيتهم ما يكونون يستخدمون ماك او مالهم تجربه كبيره مع الماركة ..

    وهالشغلات ممكن نتعرض لها خلال تسوقنا عبر النت ،، لأن نعتمد فقط على النظر وما يكون ملموس ..

    بعرض لكم النقاط المهمه اللي من خلالها تضمنين شراء منتجات ماك الأصليه ::

    1/ خلال تسوقك عبر النت سواء من المنتديات او موقع الـ e bay اطلبي فقط صور المنتجات من خلال تصوير التاجر ،، ولا ترضين بالصور المنقوله من موقع ماك الرسمي ..

    2/ اذا شفتي منتج مطروح غريب عليج وكان التعليل او السبب انه فقط مطروح لـ آسيا او اوروبا او كندا وامريكا ،، اعرفي ان المنتج غير مضمون لأن ماك تطرح جميع المنتجات في جميع البلدان حتى ولو كان في فرق وقت وتاريخ في الوصول ..

    3/ كل منتجات ماك من بودرات و شادوات و كحل و ارواج وقلوسات ،، بالمختصر كل منتجات ماك ما عادا الفرش ،، تحمل اسماء مو ارقام مثل باقي الماركات ..
    يعني لما تشوفين وصف لشادو من ماك مثل هذا : Shimmery Eye Shadow Shade #6
    يعني شادو بلمعه ورقمه 6
    اعرفي انه تقليد على طول ..

    4/ شادوات ماك مستحيل مستحيل مستحيل تجي بعلبتها مرايا او اسفنجه لتوزيع الشادو ،، ارجع واقول مستحيل بأي حال من الاحوال ..
    وكذلك علبة الشادو ماتكون مقسمة الى طبقتين ،، مثل بودرة ستديو فيكس اللي تكون طبقه فيها الباودر و ترفعينها تلاقين طبقه فيها الاسفنجه ،، هالشي موجود فقط في البودره ولو شفتي هالطريقه على شادو على طول اعرفي انه تقليد ..

    5/ علب ماك بمختلف الألوان دائماً تكون باللون الاسود المتعارف عليه ،، الا بعض الكولكشنات المعروفه مثل Lure, Belle Azure, ICONs وهالكولكشنات تنزل في الموقع وممكن تتعرفين عليها اكثر

    6/ اذا بتشترين درجة معينه من شادو او روج او قلم كحل في البدايه راجعي موقع ماك الرسمي وشوفي لو الدرجه متوفره عندهم او لا .. لأن في كثير من الاوقات تجار التقليد يحطون اسماء جديده من عندهم ويغفل عنها المشتري لأن الدرجات كثيره في ماك فما يركزون عليها ..
    حاولوا كثر ما تقدرون ترجعون لموقع ماك الرسمي لأن اي درجه تنزل عندهم في البدايه وقبل اي موقع آخر حتى الكولكشنات الجديده ،، تنزل عندهم اول ما يعتمدونها ..

    7/ ارجع واكرر على شكل وصنع العلب .. حتى ممكن طريقة طباعة اللوقو مال ماك هي اللي تكشف اذا كان تقليد او اصلي ..
    احياناً العلب التقليد تكون مقسمه بطريقة مختلفه ما تعودناها من ماك .. وهالشي اذا ما كان مطروح عند ماك اعرفي على طول انه تقليد ..

    8/ لاحظت بعض علب البودره او الشادو نفسها ما تفرق عن الاصليه لكن بشوية تركيز ،، تشوفين محتوى العلبه بمستوى العلبه نفسها او نافر لبرا شوي ،، لكن الشادوات والبودرات الاصليه لو تلاحظونهم في العلب يكون محتواهم شوي اعمق من العلبه بمسافة صغيره ..اتمنى فهمتوا قصدي ..

    للامـــــــانه منقول للفائده وعدم اللبس....

    وتقبلو مني عاطر التحايا...

    أهداااب...

  2. #2
    تاريخ التسجيل
    May 2011
    الدولة
    على سطح القمر هناك اعيش #
    العمر
    21
    المشاركات
    721
    معدل تقييم المستوى
    105

    افتراضي

    مشكورة لتوضيحكك

  3. #3
    الصورة الرمزية هاي توته
    هاي توته غير متواجد حالياً بنت ستايل قادمة بقوة
    تاريخ التسجيل
    May 2012
    الدولة
    الهيئة الملكية في ينبع الصناعية .
    المشاركات
    55
    معدل تقييم المستوى
    13

    افتراضي

    ي الله والله انك جبتيها ع الجرح , قبل فتره طلبت انا واختي من تاجره ع اساس انها ارخص هههههه ابوه من تفكير م فرقت القيمه كثير اصلا بس عبط , المهم وحتى الالوان والخامه غيييييييير عن اللي نعرفه ( احنا طلبنا ارواج كريميه) تخيلي فيها شيمر !
    سلامات ي حبيبي روج + شيمر ,, خيييييييير !
    المهم انتبهوا ع اللي تشترونه ويفضل تشترون من موقعهم او تفرون محلات ماك كذا عشان حتى السواتشات تجربونها .
    يلا اشوفكم على خير :)
    سبحان الله و بحمده سبحان الله العظيم
    http://forum.banat-style.com/groups/1624/
    مـا بـيــاخـــذ مـنــكـمـ دقــيــقـهـ بـلـيــــيــــيــــيـــــز

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •