طريقة عمل الفراخ المسلوقة بالصور



السلام عليكم و رحمه الله و بركاته
أحبائى مشرفات و صبايا منتدى عبير الجميل
كل سنه و انتم جميعا بالف خير وسلام
النهارده احب احكى لكم قصه الفراخ وهى ان كل فرد فى الاسره بيحب يأكل الفراخ بطريقه معينه الى يحب مسلوق والى بانيه والى مشوى و الى يحب الصدر والى يحب الورك وهكذا
و هى طريقه أقتصاديه أيضا
طبعا كلنا عارفين كيف نغسل الفراخ جيدا لكن حبيباتى فى منطقه اسفل الفرخه ضرورى تتأكدوا انها ازيلت و هى عباره عن كره صفيره اسفل الفرخه تقطع بالسكين مثل الصوره
[IMG]http://i345.photobucke*****m/albums/p381/magy_life/frakh/IMAG1413.jpg[/IMG][IMG]http://i345.photobucke*****m/albums/p381/magy_life/frakh/IMAG1179.jpg[/IMG]
و طبعا المنطقه الى فى الخلف عند الذيل معروفه طبعا
بعد غسيل الفرخه انا بدعكها كلها بالليمون و ارش عليها الملح و اتركها فى مصفاه تنزل ما بها ثم اشطفها و ادخلها التلاجه (لو حتسلقى الفرخه كامله لازم تضعيها فى التلاجه و تطبخيها تانى يوم بيكون افضل )
كل واحده منكم ما شاء الله استاذه و لها طريقتها الجميله للمرقه و الفراخ المسلوقه و محمره بالسمن البلدى او تقطع بعد السلق و تغطس فى البيض و الفيجيتار و تقلى و كلها طرق رائعه لكن ححكى لكم طريقتى البسيطه
الفراخ المسلوقه
المقادير
بصله مبشوره / ملح / فلفل /3 فصوص حبهان /3 او 4 فصوص مستكه (و ليس مستيكه) /2 ورق لاورو /جنزبيل بودر
الطريقه
نضع ماء فى حله مناسبه لحجم الفرخه و عندما يغلى نضع الملح و الفرخه و نشيل الريم او الزفر ان وجد حتى ينتهى نضع البصل و الفلفل و الجنزبيل و المستكه و الحبهان و ورق اللاورو
[IMG]http://i345.photobucke*****m/albums/p381/magy_life/frakh/IMAG1191.jpg[/IMG]
وتترك حتى تنضج لايقل عن نصف ساعه حسب حجم الفرخه و عندما تنضج ننشلها من الشوربه او المرقه ثم تحمر حسب رغبتكم (انا بضعها فى شوايه الفرن تتحمر مع التقليب بدون سمن بضع مرقه فى الصنيه حتى لا تحترق فقط ) وثم نلفها فى الفويل بعد ان نرشها بالفلفل تظل ساخنه
لعمل أصناف مختلفه من الفراخ
انا بشرح الفرخه بان اقسمها بالنصف
[IMG]http://i345.photobucke*****m/albums/p381/magy_life/frakh/IMAG1033.jpg[/IMG]
ثم اخلى الصدر بالسكين أمشى بحذاء العظم هكذا
[IMG]http://i345.photobucke*****m/albums/p381/magy_life/frakh/IMAG1099.jpg[/IMG]
نفصل الفص الفلتو الذى فى الصدر و ندقه لعمله بانيه و ندق الصدر و عليه الجلده لشويه
[IMG]http://i345.photobucke*****m/albums/p381/magy_life/frakh/IMAG1034.jpg[/IMG]
و لو حنعمله بانيه أيضا نشيل الجلده و نقطعه ترنشات شبه الفلتو حتى تكون سهله فى عمل السندوتشات و التقطيع
[IMG]http://i345.photobucke*****m/albums/p381/magy_life/frakh/IMAG1101.jpg[/IMG][IMG]http://i345.photobucke*****m/albums/p381/magy_life/frakh/IMAG1103.jpg[/IMG]
و أقسم الفخد بالنصف ثم أفصل الموزه لوحدها (ممكن نجمع الموز و نعمل بيهم صنف ) و أخلى العظم من عليهم و يدقوا أيضا بالجلده علشان الشوى (لو حنعملها شيش طاووق نشيل الجلده )
[IMG]http://i345.photobucke*****m/albums/p381/magy_life/frakh/IMAG1186.jpg[/IMG][IMG]http://i345.photobucke*****m/albums/p381/magy_life/frakh/IMAG1189.jpg[/IMG]
خلاص جهزنا الفراخ المخليه للبانيه و للشوى
[IMG]http://i345.photobucke*****m/albums/p381/magy_life/frakh/IMAG1038.jpg[/IMG]
العظام والاجنحه والرقبه لا نرميهم حنعملهم شوربه بالطريقه السابقه وبعد النضج نفصصهم او نخلى الفصوص و نحمصها مع بصل و فلفل اخضر و بهارات و نحشى بها أجمل سامبوسك أو نعمل بيها سندوتشات بالكاتشب و المايونيز و الخص و الطماطم
بواقى الفصوص النيه و القطع الصغيره نحتفظ بيها فى الفريزر حتى تتجمع عندنا كميه نستغلها فى عمل اصناف جميله