[frame="7 90"]1 نبدء بالخبز اللذيذ من مطبخي
المقادير:
2 كأس حليب دافئ
2 ملعقة كبيرة سكر
ملح كيما الكسرة
2 بيض
1/4 كأس زيت
ملعقة كبيرة و نصف خميرة الخبز
جلجلانية و سينوج
04 كأس فرينة
لدهن الخبز: صفار البيض.
طريقة التحضير :
أولا نشعل الفرن على 350 درجة مئوية و نخليه يسخن
ثانيا : في إناء نخلط الحليب و السكر و الملح و البيض و الزيت و الخميرة و نخلطهم مليح بالخلاط اليدوي ، ثم نفرغ الكأس الأول أنتاع الفرينة و نخلط مليح ثم الثاني "" في الحقيقة أنا إستعملت 03 كؤوس فقط ، وكل واحدة حسب فرينتها " حتى نتحصل على عجينة سائلة و ثقيلة.
نجيب مول مدهون بالزبدة و مرشوش بالفرينة و نفرغ العجينة و نعدلها بمغرفة مغطسة في الزيت و نغطيها باللاستيك و نحطها فوق الكوشة اللي كنا شعلناها على 350 درجة و نخلى الخبز يختمر مدة 07- 10دقائق على الأكثر.
ثم ندهنه بصفار بيضة مع ملعقة حليب سائل ونرش الجلجلانية و السانوج و ندخلها الفرن في الوسط مدة 20 دقيقة.
والله يالبنات هذا أنجح و أسهل و أسرع خبز جربته إلى الآن .
جربوه و لن تندموا.
اعتذر على رداءة الصور لأني أخذتها بالبورتابل.
2 ننتفل للطبق الرئسي
هادا طاجين بالدجاج مع الكسكس الجزائرييييي لعيونكم
المقادير
بصلة كبيرة او 2 صغارمرحية في الروبو
3سنات ثوم
3 ملاعق كبيرة زيت
ارز حسب الحاجة
دجاج حسب عدد الاسرة انا عملت نصف دجاجة
ملح وفلفل اسود وكسبر وكروية وفلفل عكري او يابريكا حلوة
2ملاعق طماطم مصبرة وممكن اقل حسب نو عية الطماطم
كمية من الزيتون الاخضر منزوع الملح
ماء تمرقي بيه
200غرام فروماج طري من الاحسن نوع باربار لانو يعطيك نتيجة مضمونة
زبدة لدهن الأرز
التحضير
قلي البصل والثوم مع الزيت والدجاج مليح ثم زيدي التوابل وقلي
وزيدي الطماطم حركي شوية ومرقي بالماء وزيدي الزيتون
واغلقي الكوكوط حتى يطيب الدجاج وتخثار المرقة ممكن ساعة ولا ساعة وربع في هدا الوقت فوري الارز
نقوم بتفوير الأرز حتى يطيب أدهنيه بالزبدة
ودركا مرحلة الفرن
ادهني المول بالزبدة وديري نصف كمية الارز
واسقيه بكمية من المرق اللي يكون خائر ثم ديري عدة فتحات بالسكين
عمريها بالفروماج
وغطيها بنصف كمية الروز اللي بقات
وزيدي ديري فتحات بالسكين
وعمريها بالفروماج وزيدي ديري كمية من المرق
وحبات الزيتون والفوق حطي الدجاج اللي تدهنيه بشوية زبدة
دخليه للفرن على 220حتى يتجمر ويتحمر الدجاج من نصف ساعة الى 45د
3 و الان نتركم وع احلى سلطة
و الان الشوربة
شوربة الدجاج بالكريمة ااااااممممممم
المقادير
نصف دجاجة
3ملاعق دقيق
كوب حليب
ملعقة كبيرة زبدة
ماء
ملح
بهارات”ثلاث حبات هيل،رشة جوز الطيب،قرفة”
مشروم مقطع حسب الرغبة
الطريقة
تسلق الدجاجة بالماء والبهارات
تصف مرقة الدجاج وتترك
يذوب الدقيق في نصف كوب ماء
تذوب الزبدة في القدر ويضاف إليها مرقة الدجاج ثم يضاف إليها الدقيق المذاب
تقطع الدجاجة إلى قطع صغيرة وتضاف إلى الشوربة
يضاف المشروم المقطع في النهاية
وننتقل للعصيير
هذا عصير منزلي لا ملونات ولا مواد حافظة طبيعي إن شاء الله ذوقه كمشروبات رامي بالبرتقال
الكمية كافية ل 5 أو6 أشخاص .
المكونات كما تظهر في الصورة الجزر مقشر ومسلوق وباقي المكونات الماء أقل من لتر نرحي الموز مع الإجاص والجزر نضيف عليهم عصير الليمونة والماء حتى الحصول على الحموضة المقبولة ثم نضيف السكر حسب الذوق نخلط جيدا ويوضع في البراد إلى حين شربه بالهناء والشفاء
هذه تقريبا سعة المشروب ويختلف ذلك على حسب حجم الفواكه
مفيد جدا للكبار الصغار الحوامل المرضعات لما فيه من لب الفاكهة.
و الان التحلية بس اتمنى تجربوها
هادي تحلية الفواكه بالشانتيي
المقادير :
فواكه مشكلة طازجة او معلبة
كرام شانتيي
شكولاطة ذيبة
طريقة التحضير:
نقوم بتقطيع الفواكه مربعات صغيرة
في كؤوس نضع الشكولا في جميع الجوانب وفي القاع
ثم طبقة من الفواكه
ثم طبقة من الشانتيي
ثم طبقة من الشكولا ثم الوفواكه،الشانتي
وفي الاخير زينيها وضعيها في الثلاجة
و هدا الفلان يا حبيبات
1- الجينواز
5 بيض + 150 غ سكر + فاني وضربي مليح مدة 10 د بعدها وقفت الضرب وزيدي 200 غ فرينة + 50 غ كاكاو + 1 خميرة و شوي ملح وماتنسايش انخلي الموكونات باش تنجحلك الجينواز وتطلع مليح وحطي في الفور
2- العصير
حبيت يكون طبيعي برتقال + ببلوموس + القارص مع الماء والسكر
3- فواكه مشكلة انا درت فراز وبنان
4- كريمة الليمون
1 ونص كاس ماء + 1 كاس سكر + نص كاس عصير القارص و 3 ملاعق نشا + زاست تاع القارص فةق النار مع التحريك المستمر بعدها زيدي 3 صفار بيض ورجعي شوي فوق النار وطفي وزيدي شوي زبدة باش تعطيلها لمعان
5- الشانتي
100غ شانتي بودرة + 1 كاس حليب بارد جدا انا درت حليب بقرة جاني روعة المذاق + نصف ملعقة سكرة ارطب وضربي مليح
الطريقة
اسقي الجينواز بعدما تفتتيها بالعصير وديري في كاس التقديم
الكريمة ثم الجينواز ثم الشانتي والفواكه وبعدها الجينواز وكريمة القارص والفواكه واخيرا الشانتي وذري من الفوق الوكاو المحمص مليح والمرحي خشين يجي حطى شكل ومذاق
اعذروني بس راح يزيد شوي وزنكم ونروح للكيكة بعد العشاء
الجينواز
3بيضات كاملين و2 صفار بيض
6 6مك سكر زيت فاني 1 خميرة 6 مك حليب
18 مك فرينة
تخدمي البيض تضيفي السكر والزيت والحليب
اتخلطي لخميرة امع الفرينة اتضيفيها وتكون امسخنة الفرن
تدهني المول بالزبدة والفرينة وادخليها للفرن مدة 20او 25 د
بعد ما تخرجيها اتقصيها على زوج انا استعملت السيار مقلوب
وضعتها باه تبرد او متتعجنش تسقيها بالشاربات
كريمة الزبدة
2 بياض البض ليخليناهم تشي شوية ملح طلعيهم ثلج اتضيفي
السكر ارطب كاس ثم تخدمي ثم الزبدة والنكهة ليحابا
الجولي الاصفر
ماء نشاء قارس عصير وزاست سكر وملون اصفر
ايطيبوا على نار حتى يخثار بعد ما يبرد وتحشي
التورة بكريمة الزبدة او ديري لحراف بالكاوكاةو مرحي
اديري لاجولي انتاعك ومن بعد الشيكولا اديريها في لاسوراgواديري
دوائر واديريهم بالكيردن
اتمنى انكون وفقت في الشرح
اتمنى تعجبكم ها المشاركة البسيطة وكل من يمر باموضوع مدعو للعشاااااااااااااااااااااااااةء بليز اعطوني ارائكم[/frame]
المفضلات