طريقة عمل السجق الشرقي بالصور

**فجر الماضي** · 02-19-2009, 09:18 PM

السجق الشرقى

نجيب نص كيلو سجق بلدى من عند الجزار ونقطعة مكعبات ونكون مجهزين معاه طماطتين كبار متقطعين مكعبات وكذلك فلفتين رومى على واحد احمر حامى وكله مكعبات

نجيب اربع فصوص ثوم مقطع صغير ونحطه فى شوية زيت ونشوحهم شوية وبعدين نضيف الفلفل الاحمر وبعدية الرومى وشوية ونضيف السجق ونقلب شوية لحد ما لونة يغير وبعدية مكعبات الطماطم والتوابل ( ملح وكمون وفلفل اسمر ) ونقلب على نار هادية عشان ما ينشفش وما نطرش نضيف مية..بس لو حسينا انه عاوز مية ممكن نضيف شوية صغننة جدا

ممكن للى بيحب البصل اكتر من الثوم ( دة مش تراجع عن مبدأى ولكنة ارضاء لجميع الازواق ليس للا ... ) يحط بصلة مقطعة مع فصين ثوم ..
كذلك ممكن نضيف ملعقة صلصة لو حنضيف مياة
وتعمليه في ساندويتشات بالطحينه